tg-me.com/facdy313/1073
Last Update:
مقتل مولاي سيد الشهداء
........
واويلي عل العطشان واويلي
..........
نايم عل التراب حسين ولخياله وصلته
شال الراس لعياله ومن ابعيد شاف اخته
كللهه ارجعي وطاح وهوه اشباقي من جثته
هاي الخيل اجت ليه .. يختي وحيل مابيه .. ورايد شربت اميه
لو بيدي المخيم ذاك يازينب فلا عفته
........
واويلي عل العطشان واويلي
........
يازينب وحك جدي عطشان واريد الماي
ذبلان وركد حيلي إسهام ابصدري وبمكفاي
اشما انهض اطيح اردود عينيني تعالي اوياي
ادري بلخيام النار .. ومصارخ اصغار إكبار .. وانه اعليه كوم احجار
هسه اشوه ضلام ليل بس بأجر بلايه افياي
.........
واويلي عل العطشان واويلي
.........
تعالو ليه سلبوني وعوفو الخيم وعيالي
وشخليتو من جسمي ابسحك الخيل وبحالي
ردو اردود اسحكوني ولتروعون بطفالي
هيه اشباقي بيهه الروح .. واكثر من الف لجروح .. ودمي للخيم مسفوح
فوك امنازعي اوي الروح بكطعت راسي مابالي
...........
واويلي عل العطشان واويلي
...........
راحو حركو اخيامي وتطشر ضعني بلهيمه
هوه المثلي حاله ايصير لابد يلتهي ابضيمه
بس انه عكس ياناس اكوم أمن اسمع ايتيمه
اخ اذني تون وتصيح .. شيعينه الي تطيحه الريح .. يريد ايكوم بس ايطيح
من يسمع لهيب النار من خيمه لعد خيمه
.........
واويلي عل العطشان واويلي
.........
خيل اعل الخيم هدت وخياله حجو عشره
اثكال الخيول اهواي وبروحه نرض صدره
ونرجع ثاني مره اعليه سالم خاف ضل ضهره
للخيمه وصل وني .. واحد لو يساعدني .. عن الخيل يبعدني
وللحافر صبح صدري فوك الكاع جن عثره
..........
واويلي عل العطشان واويلي
..........
اللهم عجل لوليك الفرج
بفضلهم محمد الاسماعيلي
BY الشاعر محمد الاسماعيلي
Warning: Undefined variable $i in /var/www/tg-me/post.php on line 280
Share with your friend now:
tg-me.com/facdy313/1073